காளான் வறுவல்

தேவையான பொருட்கள்

• காளான் - 15
• மஞ்சள் தூள் - 1/4 ஸ்பூன்
• மிளகாய் தூள் - 1/4 ஸ்பூன்
• உப்பு - 1/2 ஸ்பூன்
• வதக்குவதற்கு:
• வெங்காயம் - 1/2
• பூண்டு - 2 பல்
• பச்சை மிளகாய் - ஒன்று
• கறிவேப்பிலை - ஒரு இணுக்கு
• எண்ணெய் - 2 ஸ்பூன்

செய்முறை

• முதலில் காளானை மூன்று துண்டுகளாக நறுக்கி வைக்கவும். வெங்காயத்தையும், பூண்டையும் பொடியாக சாப் செய்து வைக்கவும். பச்சை மிளகாயை கீறி வைக்கவும்
• காளானில் மஞ்சள்தூள், உப்பு, மிளகாய் தூள் கலந்து வைக்கவும்.
• வாணலியில் எண்ணெய் காயவைத்து பூண்டு, பச்சை மிளகாய் சேர்த்து வதக்கி ஒரு சிட்டிகை சர்க்கரை, வெங்காயம், கறிவேப்பிலை சேர்த்து ஒரு நிமிடம் வதக்கிய பின் காளானும் சேர்த்து வதக்கி ஒரு நிமிடம் குறைந்த தீயில் மூடி போட்டு வைக்கவும்.
• திறந்து பார்த்தால் தண்ணீர் பெருகியிருக்கும். இனி மெல்ல கிளறி விட்டு அந்த தண்ணீரை வற்ற வைக்க வேண்டும். ட்ரையானதும் இறக்கிவிடவும். ஐந்தே நிமிடத்தில் காளான் வறுவல் ரெடி.

Posted in: வறுவல் வகைகள்