வெஜிடபிள் ஊறுகாய்

தேவையான பொருட்கள்

• கேரட் - 100 கிராம்
• பீன்ஸ் - 100 கிராம்
• உருளைக்கிழங்கு - 2
• பச்சை மிளகாய் - 4
• சௌசௌ - 1
• பெங்களூர் தக்காளி - 100 கிராம்
• மிளகாய்த்தூள் - 3 டீஸ்பூன்
• பெருங்காயப் பொடி - 1 ஸ்பூன்
• நல்லெண்ணெய் - 100 கிராம்
• கடுகு - 2 ஸ்பூன்
• உப்பு - தேவையான அளவு

செய்முறை

• காய்களை நன்றாகக் கழுவி துடைத்து சிறிது சிறிதாய் வெட்டிக்கொள்ளவும்.
• பிறகு வாணலியை அடுப்பில் வைத்து எண்ணெய் விட்டு கடுகை பொரித்து எடுக்கவும்.
• கடுகு பொரிந்தவுடன் வெட்டிய காய்களை எண்ணெய்யில் போட்டு நன்றாக வதக்கவும்.
• பாதி வதங்கிய பிறகு, அதில் மிளகாய்ப் பொடி, பெருங்காய பொடி, உப்பு சேர்த்து வதக்கவும்.
• காய்கள் நன்றாக வதங்கியவுடன் எண்ணெய் தளர்ந்துவர ஆரம்பிக்கும்.
• காய்கள் வெந்தவுடன் ஆறவைத்து எடுத்து டப்பாவில் போட்டு வைக்கவும்.

Posted in: ஊறுகாய் வகைகள்