பாகற்காய் கூட்டு

தேவையான பொருட்கள்

• பாகற்காய் - 100 கிராம்
• புளிகரைச்சல் - 2 டீஸ்பூன்
• மிளகாய்த்தூள் - 1 டீஸ்பூன்
• தேங்காய்ப்பால் - 2 டேபிள்ஸ்பூன்
• மஞ்சள்பொடி - 1/4 டீஸ்பூன்
• மிளகாய்ப்பொடி - 1/2 டீஸ்பூன்
• வெங்காயம் - 1
• தக்காளி - 1
• பச்சைமிளகாய் - 2
• கறிவேப்பிலை - சிறிது
• எண்ணெய் - 2 டேபிள்ஸ்பூன்
• உப்பு - சுவைக்கு
• வெல்லம் - சிறுதுண்டு

செய்முறை

• பாகற்காயை நடுவில் நறுக்கி, கத்தியால் விதைகளை நீக்கிக்கொள்ளவும். இதனை பொடியாக நறுக்கிகொள்ளவும்.
• பொடியாக நறுக்கிய வெங்காயம், தக்காளி, நீளமாக நறுக்கிய பச்சை மிளகாய், கறிவேப்பிலை ஆகியவற்றை ஒரு வாணலியில் போட்டு எண்ணெய் விட்டு வதக்கவும்.
• அத்துடன் நறுக்கிய பாகற்காய் சேர்த்து கிளறவும்.
• மசாலாபொடிகள், உப்பு சேர்த்து கிளறவும்.
• புளிகரைச்சலுடன் வெல்லம் சேர்த்து கொதிக்க விடவும்.
• நன்கு கொதித்ததும், தேங்காய்ப்பால், சிறிது நீர் சேர்த்து அடுப்பை சிறுதீயில் வைக்கவும்.
• பாகற்காய் வெந்து, நீரும் வற்றி, எண்ணெய் பிரிந்ததும் இறக்கி விடவும்

Posted in: கூட்டு வகைகள்