சாக்லெட் பிஸ்கட்டுகள்

தேவையான பொருட்கள்

• மைதா மாவு - 100 கிராம்
• வெண்ணெய் - 50 கிராம்
• பொடித்த சர்க்கரை - 50 கிராம்
• கோகோ பவுடர் - அரைத் தேக்கரண்டி
• முட்டை - பாதி
• வெனிலா எசன்ஸ் - சில துளிகள்
• பால் - சிறிதளவு
• பிஸ்கட்டுகளின் நடுவே வைக்கும் கிரீம் செய்ய:
• வெண்ணெய் - 20 கிராம்
• ஐசிங் சர்க்கரை - 50 கிராம்
• கோகோ பவுடர் - ஒரு தேக்கரண்டி

 செய்முறை

• மைதா, பேக்கிங் பவுடர், கோகோ மூன்றையும் ஒன்றாகச் சேர்த்து இருமுறை மாவு சல்லடையில் சலித்துக் கொள்ளவும்.
• பொடித்த சர்க்கரையையும், வெண்ணெயையும் நன்றாகக் குழைத்துக் கொள்ளவும்.
• முட்டையை உடைத்து, நன்றாக அடித்து அத்துடன் வெனிலா எசன்ஸ் சேர்க்கவும.
• சர்க்கரையையும் வெண்ணெயையும் சேர்த்துக் குழைத்துக் கலவையில் சிறிது சிறிதாக ஊற்றி அடிக்கவும்.
• சலித்த மாவை குழைத்த கலவையுடன் சேர்த்து மிருதுவான ஒரு கலவையாக செய்து கொள்ளவும்.

• கைகளினால் கலக்கவும் (கரண்டி உபயோகிக்கக் கூடாது).
• ஒரு பட்டர் பேப்பர் பை செய்து கொள்ளவும். அதில் ஸ்டார் அச்சைப் போட்டுக் கொள்ளவும்.
• அந்த அச்சின் நுனிப்பாகம் கால் அங்குலம் வெளியே தெரியுமாறு இருத்தல் வேண்டும்.
• அந்தப் பையில் இந்தக் கலவையை போட்டுக் கொள்ளவும்.
• நெய் தடவி, மாவு தூவிய தட்டில் முக்கோணமாகவோ, நீளமாகவோ பிழிய வேண்டும்.
• ஒரே வடிவில் இரண்டு இரண்டு பிஸ்கட்டுகளாக பிழிந்து கொள்ள வேண்டும்.
• பிஸ்கட்டுகளை 380 டிகிரி F சூட்டில் 20 நிமிடம் பேக் செய்யவும்.
• ஐசிங் சர்க்கரை, கோகோ, வெண்ணெய் இவற்றை நன்றாகக் குழைத்துக் கொள்ளவும்.
• பேக் ஆனதும் நன்கு ஆறவிட்டு, இரண்டு இரண்டு பிஸ்கட்டுகள் நடுவில் கிரீம் தடவி ஒட்டவும்.

Posted in: பிஸ்கட் வகைகள்